كيفية تحضير الأرز


بالعامي ؟ يلا عادي : الكثير يعاني الغربة ، هههه هذا غير بالعامي ! المهم ناس واجده فجأه تلقا في روحها بروحها ، صار ظرف مافيش من يطيب الغدي سافر لقي روحه عايش بروحه الحصيله أنه جيعان وما فيش من يطيبله الغدي ، وفاد من السندوتشات وايكال السوق .

الأرز 

للأرز فوائد كثيره صح تحسه مكلف خاصه أنه يكلف أكثر من القمح في زراعته وأنه أغلى من المكرونه في الغدائية لكن كي ما قلقنا من السندوتشات حتقلق من المبكبكه ويجب التغير مره مره . فقلنا خلي نعطوكم الوصفة السحرية لتحضير وجبة رز أبيض .

90608
صورة من الشبكة .

المواد : أرز حبه قصيره – سمن أو زبدة أو زيت – اميه – وملح .

الخطوات :
– خود كشيك الزبدة أو السمن أو الزيت وحطه في الطنجره ع النار .
– كان تبي الرز محمر حبه بحبه حط كاشيك وشويه رز في الطنجره وحمّره .
– بعدها للتسهيل حول الطنجره من النار وحط كمية الرز ومعاها الميه الفايره .
– كان تبي ادير الجو ذوب مكعب ماجي في الميه وكان هذا اكتفي بشوية ملح .
– رجع الطنجره ع نار هادية خلها متاع عشر دقايق أو أقل وما تنساش المغطه .
– ما تنساش التحريك مره مره بلطف وحنان بلاش من الهمجيه !
– ذوق ويوم تجف الميه والرز يولي قابل للأكل معناها الرز طاب بالهناء والشفاء .

بشكل عام ، عينك مكيالك والتجربة هي الأساس ، لكن طاسة رز تبي حوالي طاسه وشوية اميه ، يعني بمعدل انه الرز كله يكون مغمور في الميه في الطنجره وفي شوية اميه زايده . ميزت الرز تقدر ادير معاه أي شيء ، حارت بارت صب معاه لبن وكوله حمر خضره والا طيب الخلطه الي تمشي معاك يعني انت وجوك ت حتى افقص عليه دحية رايبه . أما بالنسبة للحبه القصيره أسهل في التحضير الحبه الطويلة جوه أخيه شويه لكن مليح حتى هوا بس يبي تعديل في كمية المية اللازمة للطبخ والوقت كذلك . ونتلاقو في وصفه ثانية .


تدوينة باللغة المحكية ضمن مبادرتي بالتدوينة باللهجة الليبية .

Advertisements

الكاتب: Amjad Badr

Libyan Blogger, Scout Leader and Social Entrepreneur, interests in Climate Change and I.C.T and specialized in Computer Engineering, CEO & Co-founder of Hexa Connection and Founder & GM of Jawhar Co..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.