بريوش بالشكلاطة !


فازو النوتيلا فيه 350 جرام يعني فيه حوالي 20 كاشيك معبي، لو حسبنا الفازو ع 10دل يعني الكاشيك ع 0.5دل مع تحميل المصاريف التشغيليه ومربح 100% يكون حق كاشيك النوتيلا للمستهلك في المقهى دينار ليبي كامل !

البريوشه “الكرواسون” الوحده تكلف 0.5دل من أحسن كوشا مع تحميل نفس المصاريف التشغيلية ومربح 100% يكون حق البريوشه للمستهلك في المقهى دينار ليبي كامل !

البريوش بالشكلاطة “الكرواسون بالنوتيلا” درجة أولى في القهوة للمستهلك مع تحميل المصاريف التشيغلية وربح 100% لكل قطعة ما يفوتش حقه زوز دنانير ليبية بتكلفة دينار ليبي كامل للقطعة !

بريوش بالشكلاطة

السؤال الي يطرح نفسه هنا ليش يبيعو في القطعة ع 3.5دل وفي الي يبيع فيه ع 4.5دل كله بدواعي ارتفاع سعر الدولار مما ادى لارتفاع سعر فازو النوتيلا ! يعني 250% مربح على القطعة الوحدة في الحالة الأولى والثانية احسبها بروحك !

من جهة أخرى وبالأخد في الحسبان أن اعداد واحد قطعة من الصنف المذكور اعلاه ياخد حوالي 45 ثانية متضمنة صباح الخير والشجو يعني حوالي 12 قطع في 10 دقائق متضمنة تلخبيط طرف ع الصبح احسب معاي التالي :

12 في 10 دقايق يعني 70 في الساعه واحد جديد خاش ع الصنعه وشادها لقني يعني مش بسرعة جماعة الحاج فتحي ، يعني حوالي 150 في ساعتين و200 في الذروة لكن خلينا ع 150 يعني 375 دينار ليبي مربح في ساعتين في يوم عادي جدا !

مع ازدياد نسبة الياي بيبول هذه الأيام وياي ضروري من بغيوش بالنوطيلا وياي شن تقول انت اخرتها سفنز ؟ أمعائي الدكيكة حساسه والشتي جاي في الطريق مع سطا مليح اليوم العادي حيكون فيه 100 قطعة في الساعه يعني مربح 250دل في الساعه في 3 ساعات في 4 ساعات زايد ناقص احسبها بروحك وزيد هز راسك واسمتمتع وهو يقولك الدولار غالي والبضاعه ما فيش والخ الخ !

ومع العلم أنه ما فيش حد يشري في فازو النوتيلا ب10دل ولا البريوشه ب0.5دل كلهم ياخدو بالجمله والأسعار السعيدة ! عشتم وعاش الفاتح أبدا وإلى الامام والكفاح الثوري مستمر !

Advertisements

الكاتب: Amjad Badr

Libyan Blogger, Scout Leader and Social Entrepreneur, interests in Climate Change and I.C.T and specialized in Computer Engineering, CEO & Co-founder of Hexa Connection and Founder & GM of Jawhar Co..

One thought on “بريوش بالشكلاطة !”

  1. وقيسها على هلبه سلع في البلاد . التاجر الليبي أغبى تاجر والمستهلك يوازيه أو يزيد في الغباء , اقتصاديا تكون في السليم من هامش الربح الصغير اللي عندك مضروب في انك تبيع عدد كبير وهكي يكون عندك استقرار مادي على المدى البعيد بينما الليبي يبي الربح على كل قطعة بسعر مبالغ فيه ومايبيعش هلبه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s