#2012 بإختصار

#دراسياً ..

بداية المشوار جديا في جامعة طرابلس والتأقلم مع الأجواء الجديده .

#مدنياً ..
الإنضمام لكل من المرصد الليبي لحقوق الإنسان ومنظمة حقّي لحقوق المرأة .

#اجتماعياً ..
تكوين شبكة معارف واسعة النطاق على مختلف الأصعده .

#حكومياً ..
اختياري ضمن 100 شاب للعمل في مركز المعلومات والثوتيق التابع لوزارة الإقتصاد .

#كشفياً ..
تكليفي بـ :
– مندوبا لليبيا بالمرصد الكشفي العربي .
– مسؤولا أول على الموقع الرسمي لكشاف ومرشدات ليبيا .
– رئاسة فريق الدعم الفني جوتا جوتي بكشاف ومرشدات ليبيا .
– عضويتي بالمركز الإعلامي ومكتب المفوض الدولي بهيئة القيادة العامة لكشاف ومرشدات ليبيا .

#ليبياً ..
زيارة جبل نفوسه وقضاء أجمل أيام السنه بين الزنتان والرياينه .

#أسماء ترددت في سنتي :
الفرجاني , الكاباوي , النعاس , السوري , الجزار وغيرهم بالأكيد .

#صحياً ..
تصحيح نظر وإغماء لوقت طويل .

أخيرا #التوير غير حياتي وزاد أفاقي ..

هكذا كانت بإختصار ! كانت غريبه لكن جميله بمُجملها !

الإعلانات

يوم حاسوبي واهم

(1) ..

رتبت أفكاري , جهزة رؤوس المواضيع .. الصدمة , الضرر المعنوي , علاقتنا الحميمة .. رفرشت الدكشنري عربي – عربي .. بحث عن العديد من الكلمات التي تفيذ الموضوع وتعطي وتدعم الموقف ..

(2) ..

انتظرت أما الباب .. سمعت شوشراتهم ” ملائكة الوهم العالمي ” .. دخلت عرّفهم بي أُبقيت واقفا ! لأرى نظراتهم وأرمقهم بأخرى !
قرأ الشكوى .. استنكرت وأوضحت اللغط إلى أن نطق أبسَمهم : ” جو معمر تم ” هم هم ..

(3) ..

معمر قتلي ! هئ .. معروفون هم طلبت ال70نات ! من شنّق الأحرار وثار ضد النظام من أجل السلاطه الشعبيه ! معروف من قتل كعبار !
معروف من زامل محمد كرسي الدراسه ! من لم يترك فرصه إلا تصرصر فيها لمهندس الإتصالات ! معروف من ترأس الشركات ! قبض القابضات ! نعم نعم جو معمر تم ! هئ ..

(4) ..
دخلت دات الحسن والجمال ! لتقول إن ما كتب ليس ألا فحوى ما حصل ! إستنكرت المصطلحات ! وشدّدت على تعديلها ! يردون الإعتذار فإعتذرت عن ” الفعل إذ كان راعت الله بما تقدمت ” نعم إذ وأصر عليها ! بلا بلا هنا وهناك .. أرادوني أن أتنازل على إذ وأن أدعن لإتهاماتهم الباطله ..

(5) ..
إعتذرت بشروطي وإنتهى الموضوع .. هددني كثيرا بأن يحيل الموضوع للكليه .. إذ أحالها لكان الأمر لصالحنا ونقلبت عليهم ! وبخصوص معمر وجوّه .. خليني ساكت خير !

(6) ..
شيء واحد أردو الوصول إليه بعد هذا المسلسل ! هو تخويف الطلبه .. الحاسب الاكبر سارد الشكوى هو من طلب منهم أن يقدموها ! أراد تخويفنا ! وتخويفهم بما حصل معي .. اللعنه ع جو معمر ! ذهب واحد وتعمّر غيرهم ! هم هم ..

كتبت هكي وخلاص .. بالجو .. كساد .. نكد .. بلاك .. عبيد .. ورشفاني !
دمتم بطماطم حكه ..

زمان شين | حسين لحلافي

زمـــــــان شين

زمان شين يا ساتر قلال ارحـــامه
مفيت ما يجود اللي هذين حكامه

زمان عفانة
مخلي الحبايب كل حــد في حانة
ما حال دايم يا عرب سبحــــــــانه
اللي وطننــــا قرضوا اليوم اسلامه
فيهم اللي مدفون في الجبــــــانة
وفيهم اللي ضــــربت عليه كلامة
وفيهم اللي عدى بلا حبـــــــــانه
وخلا ضناوينه تقول يتــــــــــــامى
واللي كيف حالي حالته تعبـــــانة
هــــــــــــذاك واجد ما عليه ملامة
مفيت ما يفضي خاطـــــره بلسانه
لازم يضيقن م الزمــــــــــان علامه

الشاعر حسين لحلافي

تكوبيسة عشيه !

تك تك ! خش في الموضوع ع السريع !
اليوم بعد ما روحت من الكليه وانا مستمتع بمحاضرة الدكتور – تم شطب الإسم خوفا من البلابل الزايدة – مادة ” داتا بيز ” ..
مشيت نراجع في المحاضره على التابلت* الي سلماته ليا الكليه أول ما خشيت وفيه أبديت لكل المناهج وطرق التواصل مع أعضاء هيئة التدريس ع السيرفز الخاص بالقسم كل سمستر بالسمستر متاعه !

وانا نشوف في النفكيشنز لقيت الدكتور داز* هوم ورك .. قررت نشمر ع سواعدي ونفتح اللاب توب الي مسلماته ليا الكليه حتى هو بيش ندير الهومورك والمتطلبات الأخرى ونحاول نبدع من أجل بلادنا الحبوبه – إيه حبوبه يا طه – !
فتحت اللابتوب وبعد ما فتحت النت وخشيت ع الأكسس الخاصه لطلبة الجامعه  لقيت رساله من مركز المعلومات متاع الكليه فيها الكي متاع وينديز 8* بيش انزلوه ونواكبو الجديد ..
نزلته ودرت الكي والجو تمام .. قلت يلا بلا ضياع وقت نبدو في الجد ! الدكتور يبي الهومورك بعد أسبوع ..
فتحت مايكروسوفت أوفيس بروفيشنال* برنامج الأكسس الي جاي مع اللابتوب ” ربي يحفظهم ” وبديت خدمه ليه لوه ! على أنغام فيروز المسكينه ماحدا نطرها والدنيا شتي والمطر تصب كنها معانا راه الباص متاع الجامعه يروح بيها لحوشهم مسكينه في طرابلسهم مش طرابلسنا 😐
المهم تميت البرنامج واشتغل ودرتله أبلود وبعته للدكتور إلي طول رد عليا وقالي أحسنت .. فرحت وحسيت روحي منتشي وقررت نمشي نلعب رياضه ماه الزسم السليم في العقل السليم ” هكي قالت خالتي الحاجه ” .. سكرت اللابتوب ودرت له شت داون ! وهو يتسكر هكي ! ويغني ترنانانا لقيت روحي نايض متكوبس* راعش ! راقد العشيه والمغرب أذن والدنيا ظلام ! !

دمتم بود !
حاسوبي واهم ! ويفتخر بعد بعيد 😐

_________________________
معاني الكلمات :
التابلت : كبيوتر لوحي ” هكي حاجه زي الأي باد يقدر حقه أقل شيء بـ 800 دينار ” ..
داز : باعت يعني أي : He send ” بالشرقاوي ماه ليبيا هبره وطنيه ” ..
ويندوز 8 : حاجه بعد ويندوز 7 هكي لما تفتح الكمبيوت تخدملك ” النسخه الحلال الأصليه بـ 70 دولار ” ..
مايكروسوفت أوفيس بروفيشنال : هذا البرنامج الي فيه الوورد والباوربوينت ” النسخه الحلال الأصليه بـ 350 دولار أضربها في 1.21 دينار ” !
متكوبس : يعني وهو راقد جاه كابوس !

عمود رتويت

# هاش تاغ

من التويتر إلى الصحافة , هي الغاية ! والهدف إيصال صوت المغردين لكافة شرائح المجتمع . الفكرة ليست بجديدة كانت تتخبط وتنمو في هدوء حتى بلورت اليوم .

عمود #رتويت : الفكرة متمثلة في تحديد وسم معين ” هاش تاغ ” لكل أسبوع ويكون الأبرز في الشارع التويتري , يكون التفاعل عن طريقه عبر شبكات التواصل الإجتماعي , ويتم إنتقاء العدد المناسب من التغريدات حسب المطلوب وتنشر تحت أسماء معرفاتهم الخاصة .

اليوم هناك أمل ! قد تخرج الفكرة أخيرا إلى أرض الواقع , عن طريق مجلة ” نيوميديا ” التي نترقب صدور أول أعدادها من مدينة ” بنغازي – ليبيا ” قريبا والتي كلفت بالشق الإلكتروني بها . : )

 

وقفت في الكورنور .. كلمتني !

وقفت في الكورنور .. كلمتني !

بالرسمي .. قد سلبت عقلي !

حياءها .. فتن قلبي !

ابتسامتها دارت في شوارع وطلعتني من فكري !

أسرته .. وسرقاته ودهبت شيرتي !

يا ويحها يا ويحها .. غير شن درنالكم يا حبيبتي !

آهٍ وخلاص !

الأيام كيف الريح في الدرجاحه | سيدي قنانه

ليام كيف الريح فـي الدرجاحه

مره شقا الخاطـر ومـره راحـه

يَـقْــعــدن ويـمـيـلــن

ويديرن حوايج ما عليـك يخيلـن

ويحطّن حواهن ع القوي ويشيلن

ويخلّن العالي في الوطى مطروحه

اوقـات نـخـدم بـيـدي

واوقات يبـدوا كاثريـن عبيـدي

واوقات عشر كباش يبداً عيدي

واوقات ما نكسب ولا صّياحه

عن ديوان الشعر الشعبي الجزء الأول منشورات جامعة قاريونس