التفكير غير اشقاني | حسين الحلافي

تفكرت والتفكير غير اشقاني
كملت عمري في الهموم نعاني

more..

Advertisements

زمان شين | حسين لحلافي

زمـــــــان شين

زمان شين يا ساتر قلال ارحـــامه
مفيت ما يجود اللي هذين حكامه

زمان عفانة
مخلي الحبايب كل حــد في حانة
ما حال دايم يا عرب سبحــــــــانه
اللي وطننــــا قرضوا اليوم اسلامه
فيهم اللي مدفون في الجبــــــانة
وفيهم اللي ضــــربت عليه كلامة
وفيهم اللي عدى بلا حبـــــــــانه
وخلا ضناوينه تقول يتــــــــــــامى
واللي كيف حالي حالته تعبـــــانة
هــــــــــــذاك واجد ما عليه ملامة
مفيت ما يفضي خاطـــــره بلسانه
لازم يضيقن م الزمــــــــــان علامه

الشاعر حسين لحلافي

الأيام كيف الريح في الدرجاحه | سيدي قنانه

ليام كيف الريح فـي الدرجاحه

مره شقا الخاطـر ومـره راحـه

يَـقْــعــدن ويـمـيـلــن

ويديرن حوايج ما عليـك يخيلـن

ويحطّن حواهن ع القوي ويشيلن

ويخلّن العالي في الوطى مطروحه

اوقـات نـخـدم بـيـدي

واوقات يبـدوا كاثريـن عبيـدي

واوقات عشر كباش يبداً عيدي

واوقات ما نكسب ولا صّياحه

عن ديوان الشعر الشعبي الجزء الأول منشورات جامعة قاريونس

عليك وقت | بن رويلة المعداني

قصيدة : عليك وقت ! للشاعر : بن رويلة المعداني المتوفى 1943 ..

عليك وقت متعاكس غلب هـندازه – وكـل قلب شايل م الْهموم مزازه

***

وقــت زْقُــوزه – وعاد يبْرْزوا برْزة نْجوم الـزَّوزه

واطى عرب كانت ثقـال الرَّوزه – شَّيع اللى كـانت لـهم زرْمـازه

اليوم الحَبارى يضربَنْ فى الحَوْزه – ونَقْب الصّْقُـوره ع الْوطا عزَّازه

وكم زغْزْغِى منَّه تْخاف الحـوزه – توطَّى وصار الخرْبْ فى مـركازه

***

وقــت مــلاحه – مشايْخـه مشايخ شَوْشده وقباحـه

لا للعرب فيهم صـلاح وراحـه – فى مكانهـم داروا مشـايخ عـازه

***

وقــت ندامــه – الله لا يدُومَـه كشْـرْ هو وايّامـه

خلّى جمـاعة ذايْحـه خدّامــه – عساكـر بْغـير فْلوس للزَّنهـازه

بين الحجـر والقشّ والفَحَّــامه – أولاد البْيوت خْسـارهم فى العازه

ما تْقول كـانَوْا يظْهـروا عزّامه – ولا تقول كـانوا يركبوا ميَّــازه

الله يجعله قْـرَيّب قْصـار ايامـه – ويجِى زمـان اخرى نظيف قزازه

***

ضيقة الخاطر والحيا المرماده | سيدي قنانه

قصيدة – – للشاعر سيدي قنانة : امحمد قنانه الزيداني 1795 \ 1832 ..

ضيقة الخاطر والحيا المرماده ** تشيب صغير السن قبل انداده

والحيا المندمه *** تشغشب على ابنادم تنزح دمه المزيد