الأيام كيف الريح في الدرجاحه | سيدي قنانه

ليام كيف الريح فـي الدرجاحه

مره شقا الخاطـر ومـره راحـه

يَـقْــعــدن ويـمـيـلــن

ويديرن حوايج ما عليـك يخيلـن

ويحطّن حواهن ع القوي ويشيلن

ويخلّن العالي في الوطى مطروحه

اوقـات نـخـدم بـيـدي

واوقات يبـدوا كاثريـن عبيـدي

واوقات عشر كباش يبداً عيدي

واوقات ما نكسب ولا صّياحه

عن ديوان الشعر الشعبي الجزء الأول منشورات جامعة قاريونس

Advertisements